Ár nDíriú ar Oiliúint agus ar Oideachas

Próiseas leanúnach is ea buanchoimeád digiteach a bhaineann tairbhe as caighdeáin chomhroinnte agus as dea-chleachtas atá ag teacht chun cinn, agus tá foireann Thaisclann Dhigiteach na hÉireann tiomanta, mar mhol dea-chleachtais idirnáisiúnta, do chinntiú go bhfuil an t-eolas agus na scileanna riachtanacha ag baill DRI lena bpáirt a ghlacadh i dteacht leanúnach a sholáthar ar earraí digiteacha. 

Tá DRI tiomanta do chinntiú go dtugann an fhoireann faoi fhorbairt ghairmiúil leanúnach; thug foireann uile DRI Cúrsa Soláthair agus Measúnaithe Oiliúna i gColáiste Hibernian ar Leibhéal 6 Dhearbhú Cáilíochta agus Cáilíochtaí Éireann (QQI) chun críche nó tá cáilíocht chomhionann oiliúna san ardoideachas bainte amach acu.

Na Seirbhísí a Sholáthraímid

Soláthraímid clár sainoiliúna do bhaill DRI lena chinntiú go n-ullmhaítear bailiúcháin agus go mbíonn siad réidh lena dtabhairt isteach sa Taisclann. Cuirimid oiliúint fhiúntach ar fáil freisin ar ábhair eile spéise sna limistéir seo a leanas: buanchoimeád digiteach, taighde oscailte, bainistiú sonraí taighde, agus cartlannú digiteach.

Eagraímid imeachtaí rialta oideachais freisin, cosúil le ceardlanna, seimineáir agus cainteanna ina léirítear saibhreas bhailiúcháin na mball agus ina dtugtar eolas d’úsáideoirí deiridh ar conas teacht orthu agus iad a úsáid. Eagraímid imeachtaí for-rochtana nó rannpháirtíochta i gcomhar le hinstitiúidí eile. Cuirimid saibhreas acmhainní agus foilseacháin oiliúna ar líne ar fáil chomh maith leis sin.

Cuirimid fáilte freisin roimh bhaill DRI agus roimh ár bpobail níos fairsinge páirt a ghlacadh i nGradam Taighde Luathghairme DRI. Seoladh an Gradam seo in 2019 ina mbronntar duais do phíosa bunúil taighde (e.g. taighde a dhéantar do thráchtas, d’alt nó d’fhoilseachán máistir nó PhD) atá bunaithe go hiomlán nó go páirteach ar earraí/bhailiúcháin a cuireadh i dtaisce in DRI.

Teagmháil a dhéanamh le DRI faoi Oiliúint agus Oideachas

Spreagaimid gach ball de DRI páirt a ghlacadh inár gceardlanna oiliúna tosaigh agus inár seisiúin bheo chúnaimh, ina gcuirtear deiseanna ar fáil ceisteanna a chur. Cuirimid fáilte freisin roimh bhaill teagmháil a dhéanamh linn má bhíonn aon cheisteanna acu lasmuigh de na seisiúin siúd.

Iarrtar ort aon cheisteanna a bhaineann le cartlannú digiteach agus le sonraí a ullmhú agus a thabhairt isteach a sheoladh chuig Cartlannaí Digiteach DRI, Kevin Long: k.long@ria.ie

Má bhíonn fiosrúcháin agat faoi sheisiúin oiliúna a bheidh ag teacht aníos, iarrtar ort teagmháil a dhéanamh le Bainisteoir Oiliúna agus Rannpháirtíochta DRI, Lorraine Marrey: l.marrey@ria.ie 

Déanaimid iarracht ceisteanna a fhreagairt a thapúla agus is féidir, laistigh dár n-uaireanta oibre.