Bhí go leor pobal ar oileán na hÉireann imeallaithe riamh anall, agus leanann an t-imeallú seo le ganntanas in institiúidí traidisiúnta cuimhne a thabhairt le fios. Is minic gur daoine aonair nó grúpaí a oibríonn ar bhonn deonach nó a bhíonn ar an ngannchuid ó thaobh cistiú de, a chaitheann an t-am agus an dua agus a bhfuil an scil acu cartlanna pobalbhunaithe a chruthú.
Creideann Taisclann Dhigiteach na hÉireann (DRI), mar thaisclann a chistítear go poiblí do shonraí sóisialta agus cultúrtha na hÉireann, gur tábhachtach buanchoimeád fadtéarmach ábhar digiteach a chur ar fáil do réimse fairsing eagraíochtaí, iad siúd ina measc a oibrítear ar bhonn neamhchistithe agus deonach. Is mór againn tacair shonraí agus bailiúcháin éagsúla a fhoilsiú agus táimid tiomanta do thacú le tionscnaimh phobalbhunaithe chartlainne trínár scileanna buanchoimeádta dhigitigh agus ár n-eolas gairmbhunaithe a roinnt. Cuirimid roinnt ballraíochtaí comhlacha agus na tairbhí gaolmhara uile ar fáil, ar an ábhar sin, mar chuid dár Scéim Cartlainne Pobail de chuid DRI don fhad ama a ghlacann sé ar ghrúpa a mbailiúchán a chur leis an Taisclann.
Má bhíonn aon cheisteanna agat faoin scéim, is féidir leat ríomhphost a sheoladh chuig Bainisteoir Ballraíochta DRI, Maeve O’Brien: m.obrien@ria.ie
